Bo día, familias!
Aquí vos deixo algunhas propostas para esta semana:
1. CANTOS HAI? Na vosa casa tendes moitos obxectos, xurden situacións e actividades cotiás que axudan a desenvolver o pensamento lóxico-matemático. Ás crianzas gústalles xogar, experimentar e manipular os obxectos ou materiais non estructurados que se atopan na vosa realidade. Con estes materiais os rapaces practican unha e outra vez e constrúen os conceptos por sí mesmos: os emparellan, os reparten, os clasifican...
Propóñovos nesta liña, ofrecerlles UN BOTE cheo de pezas e lanzarlle o seguinte reto:
Cantos macarróns cres que haberá? Cantos lapis? Cantos tapóns haberá?
Todos os membros da casa poden tentar adiviñar cantos obxectos hai, isto daralle emoción.
Probade cun destes retos cada certo tempo.
Desenvolver as destrezas de estimación nos axudará a resolver moitos problemas cotiás e, en definitiva, as habilidades matemáticas.
Unha vez feita a ESTIMACIÓN, pasaremos ao CONTEO de pezas. CONTAR, CONTAR E CONTAR. Se me perdo, volvo a empezar! Finalmente podemos comprobar quen se achegou máis ao resultado (poderíamos axudarnos cunha recta numérica).
2. MEDIMOS. Invitámoslles a que digan cousas que podemos comparar e medir da nosa casa.
As podemos medir primeiramente con pasos ou palmos. Vos daredes conta que os vosos resultados non coincidirán, de aí a necesidade dun instrumento e unha unidade de medida para todas, que neste caso será o metro. Mediremos libremente, utilizando unha cinta métrica, reglas...
Estimamos e medimos: Cando medirá de longo este corredor? Será máis longo que o meu cuarto?
Traballamos as nocións: alto, baixo, curto, longo, menos longo que, máis ancho que, etc.
3. FACEMOS OS NOSOS PROPIOS PUZZLES
A partir dalgunha imaxe que nos guste (dunha revista por exemplo, dun conto velliño...): marcamos as liñas (ou non), recortamos e compoñemos; podemos pegalo noutra folla.
Desenvolvemos: motricidade, coordinación óculo-manual, habilidades espaciais, capacidade de síntese, creatividade, paciencia...
Eu vos deixo este puzzle feito a partir dunha imaxe cos meus animais prehistóricos favoritos:
preme para descargar
4. COMPOÑEMOS COAS SÍLABAS
- Un xogo para comezar coas sílabas podería ser: collemos algunhas sílabas, llas lemos. A partir de aí lles pedimos que nos sinalen as sílabas que nós vocalizamos. Xogamos á inversa: a crianza di a sílaba e nós a sinalamos.
Máis motivador: as sílabas no chan separadas, por exemplo: ZA CE CI ZO ZU. Lles pedimos que salten a cada sílaba que lles vamos dicindo. Podemos aumentar a velocidade, é moi divertido!!
- Compoñer palabras. Podemos suxerir palabras nós a partir da selección de sílabas que fixemos. Tamén: xogo e composición libre. Este material da moito de si.
deixo as minúsculas para as nenas e nenos que dominan e xa len con maiúsculas
5. XOGAMOS AS CARTAS. Se non tedes barallas na casa, aquí vos deixo esta tan primaveral:
Na baralla atoparedes disintas posibilidades de xogos.
ou
6. TRABALLO DE MESA: ORIENTACIÓN ESPACIAL
Estas actividades son propostas que podedes adaptar facilmente aínda que non teñades impresora.
Tede en conta o nivel madurativo da crianza, o tempo de traballo, as súas preferencias... Non hai que facer nin todas as actividades, nin todas dunha vez. Estas propostas e as presentadas en anteriores entradas son interesantes para repetilas no tempo.
E por último, traballamos dende o respecto e sobre todo dende a emoción... Hoxe sabemos que as emocións acenden e manteñen a curiosidade e a atención e, desta maneira, o interese por descubrir cousas novas. Solo con emoción haberá procesos de aprendizaxe e memoria sólidos.
Ánimo nestas semanas e desfrutade moito dos momentos ó aire libre!
Quedo a espera de que me enviedes os vosos traballiños e me contedes que vos gustou máis.
Unha aperta!
